Conferencias:
Rubén Portas (ASCEL) O Lobo, conservación dunha especie senlleira.
A Charla centraráse en explicar os mitos que enmascaran a realidade da bioloxía e ecoloxía desta especie perseguida dificultando así a súa conservación e un coñecemento total das ameazas que sufre este animal a diario nos montes galegos.
Xoan Hermida (Amarante) Consumo Responsábel
Cada vez que mercamos un produto estamos a establecer relacións comerciais co resto do mundo. O poder dos consumidores e consumidoras radica na súa capacidade de optaren por produtos elaborados e comercializados con métodos que aproben, e que rexeiten os que non cumpran esas condicións. O obxectivo, xa que logo, é pórse diante desa realidade e favorecer o equilibrio nas relacións comerciais
Xan Duro (Verdegaia) Ecoloxismo social, Unha saída para a crise
Antonio Cordeiro (Grupo de Anelamento Anduriña)
Custodia do territorio, o caso da carballeira de Pastoriza
Exhibición de Arte Urbana
Tamén denominado street art, esta disciplina de arte da rúa da era postgraffiti queda moi lonxe das pintadas de nomes e sinaturas que invaden as paredes das grandes cidades. Con orixinais e innovadores deseños de carácter reivindicativo, estes artistas do urbano ceiban a arte que permaneceu oculta en galerías e museos.
A mostra, xuntando a súa creatividade e puntos de vista, estes creadores realizarán un mural inspirándose nos actuais problemas medioambientais de Galicia.
Desenvolvido por Eber Cameselle e Iria Fafián.